مشاكل الغباء

السلام عليكم ورحمه الله وبركاته

المره دى انا جايبلكو معايا مشاكل مضحكه بس ساعات بتنرفز اوى على حسب المزاج ساعتها يالا نشوف مع بعض ومتنسوش تقولولى رايكم اوك

في اسئله بديهيه مالهاش اي لازمه في الدنيا
بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي .....
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
(( أظن ده مش وضع الرقص !!! واضح ان انا هنام))

*******************

أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــواااااااااااااااا

(( لا لسه ))

********************

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه

(( !!! لاء دانا لسه راجع ))

*********************

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

******************

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟

(( لا أبتفرج عليه ,, أكيد بتكلم ))

******************

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟
(( تقوم رامي الكتاب و تقوله لااااااااء ))

*****************

ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح
(( لاء هفرطها و أسلقها ))

*****************

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟

(( لاء طالبها اخنق على نفسي))

*****************

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ....

(( أكيد يعني مش هيقولهم البقاء لله ))

*****************

,,,المذيعه الرخمه : وياترى بقى هتعملوا ايه العيد ده هتقضوه ازاي ؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين

(( سبتيله ايه يقوله يارخمه ))

****************

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!

(( يعني اساسي الواد لسه ما طلعلوش عرق الخسه علشان يقول لأ ))

الموضوع حلو اوي وهي فعلا اسئلة غبية اوي وتنرفز جدا ولو الواحد مزاجه مش رايق هيبقي رد الفعل مش طبيعي

شكرا يا باشا الموضوع جامد جدا بس هو على قد سنك

يا عم ماندو حلوة وكده رضا دة بيبو انت مش عارفه يعنى بس يلا اهوة حاجه حلوة قدمهالنا بس بجد جامدة .....على فكرة دى فكرتنى بموقف حلوو اوى كنت مرة راكب المشروع"الميكروباص"فالاجرة ربع جنى فبدى السواق ربع جنى وشافه وماسكه فايدة ويوقلك كام Mad

...طب دة تقوله ايه غباء مابعد غباء Mad

....بس اشطه عليك Very Happy

يا بيبو

انا معاك فى كل الاسئلة خنيقة بس فى مشكلة ان انسان يتذاكى مثلا وهو غبى