سب الرسول (ص) والتمادى فى معصيه الله

السلام عليكم ورحمه الله وبركاته
انا النهارده عايز اقولكم على حاجه فعلا بتايقنى او تقدر تقول شويه حاجات وبجد عايز اعرف ايه رايكم فيها بس يكون بجد حتى ولو الرد ده يتعارض مع اللى انتو بتعملو اوك
1-ليه احنا دلوقتى مبنصليش خالص او مش مواصبين على الصلاه او بنصلى فى البيت انا عايزكم تفترضو معايا ان الصلاه كانت 50 مره فى اليوم مش مره واحده كنا حنعمل ايه طيب ماهو رسولنا الكريم صلى الله عليه وسلم خلهملنا بدل 50 خلاهم 5 يبقى احتراما منا له ان نصلى ونلتزم وان تكون الصلاه جماه كم منا عندما يفعل شيء يكون منتظر الشكر والثناء على ما فعله من الخرين ليه انت بقى ماتبصش غير لنفسك وبس انا عايز اعرف انت عملت ايه للرسول صلى الله عليه وسلم هو تعب لحد اما خلى الصلوات خمسه انت قدمت ايه اقل شىء للمجهود ده انت تصلى جماعه ولو صلاه واحده فى اليوم واحده واحده تتعود انشاء الله وسيبها على ربنا وهيا حتعدى بس انت متملش وكل اما تمل افتكر النار وعزابها بلاش النار لقيت ان عزاب النار مش مقصر معاك بص لعذاب القبر وهول عذاب القبر بلاش لقيت ان عذاب القبر مش مقصر معاك بص لهول يوم القيامة ايه ده لسه مقومتش تصلى قوم واتوضى وصلى ولو ركعتين شكر حتى تثبت فيها انك بتسمع احمد ربك انك لسه عايش وتقدر تغير اعمالك اللى انت عملتها وتخش الجنه يالا قوم
..............................................................
2-انا دلوقتى بسمع حاجات غريبه جدا زى مثلا واحد اما تيجى تكلمو تقولو انت بتحب الرسول صلى الله عليه وسلم يقولك عليه الصلاه والسلام بسرعه وهو بيتكلم ويقولك طبعا اكيد هو ده سؤال يتسال تقولو ياعم ده مش السؤال اللى يتسال ماشى طيب انت لو المفروض تقدم روحك فداه حتقدمها يقولك طبعا انت غيرت السؤال بسؤال معروف اجابته طيب لما احنا كده بنحب الرسول صلى الله عليه وسلم ليه لما الرسول صلى الله عليه وسلم اتشتم من الغرب مرضناش ليه مقاطعناش ليه معملناش حاجه من السنه بتاعته طيب بلاش كل ده ليه مبنليش عليه كتير ليه كل ده مبنعملهوش راجع نفسك اسمع صدى صوتك اللى بيتكلم على الدين كل واحد مننا جواه نزعه دينيه يعنى ميال للدين جرب وحاول وانشاء الله تتوفق فى اللى حتعملو ان كان صلاه او مقاطعه او شىء من السنه او الصلاه علىالنبى(ص)
...........................................................
3- انا بقى اكتر حاجه بتضايقنى فى كل ده ان الواحد يعمل عمل خير او عمل دينى او يخش يصلى وفى فى جيبه حاجه حرام زى السجائر او لابس سلسلة او حظاظه او ماشابه ذلك ارجو احترام الدين والاسلام مش اول اما ربنا يهديك تغضبه بحاجات تافهه ملهاش لازمه انا مبقولكش بطل تعمل الحاجات دى انا بس بقولك متعكلش الخير بيهم مش معنى كده انك كتعملش الخير منغيرهم لا شيلهم من جيبك او اقلع اللى انت لابسه وشايف انو ممكن يغضب ربنا ساعة اما بتكون بتحاول ترضيه لعله يرضى عنك انشاء الله وواحده واحده تبطل اللى انت كنت بتعملو غلط انشاء الله وبالله التوفيق
...........................................................

انا معاك فى الى قولتو وكمان انا راى ان كل واحد فينا لازم يعمل حاجة الاول نتمسك بسنة الرسول عليه الصلاة والسلام وثانيا ما نديش حد فرصة عشان يسب الرسول عليه الصلاة والسلام تانى كما انهم كل اما يسبوه يزيد الاسلام ودى احلى حاجة

الله ينور عليك يا بيبو بجد الموضوع دة جميل جدا ومهم جدا ليه صحيح الواحد يقول اة بحب رسولنا وبحب دينى الاسلام تضحى علشانو اة اضحى وهوة لابيركعها ولا حتى بيهببها بق ع الفاضى انا معاك فى الكلام دة كله وربنا يسهل باذن الله نتمسك بسنه رسولنا واللى ملتزمش يلتزم فى الصلاة وننصر الاسلام على ولاد....... اللى ملهومش لازم دول.مشكور يا معلم ع الكلام الجامد دة

والله جزالك الله كل خير وصاى على الحبيب قلبك يطيب